The Deep End

 

කල් තියා දැනුවත් නිසාවෙන්

රෙදි කඩක් එලූයේ බිම් කඩට

ඉවසුමක් කියා යම් දෙයක් නැති

පින්සලක් නිසාවෙන් නුඹ

අගේ කර කියා පෙර දවස් ගැන

කැන්වසය දෙස බලා වරුවම

ගල් ගැසී සිටියේ කිම නුඹ

පින්සලක් කියා මෙහි පැමිණ?

පසු කරමින් රත කොළ නිල කහ ද

වඩා ඕනෑකමකින් 

කාල වර්ණිත බඳුන් වෙත යන්නට

ඉවසුමක් තිබුණේ කොහොමද?

පැහැයෙන් අසමසම 

වර්ණ සැම මුසු කාල වර්ණම

කෙඳි කොණක තවරාගෙන

ඇන්දෙ මෙලැන්කලියාවකි නුඹ.

අඩ කවක් ළඟ අඩ කවක්..

මුහුව යන තැන..

සත්තකින් නුඹ ලස්සනම පින්සලක්

 කෙන්දකින් හද පෙනෙන..

deshanianjaliherath